Гасцямі многіх пагранічных застаў Гомельскай пагранічнай групы днямі сталі творцы абласнога аддзялення ГА “Саюз пісьменнікаў Беларусі”.

Выязны патрыятычны літаратурны дэсант напярэдадні Дня адзінства народаў Беларусі і Расіі  абласной пісьменніцкай арганізацыі ў месцы размяшчэння абаронцаў нашай мяжы  на гэты раз ажыццявілі дзве выдатныя гомельскія паэтэсы Тамара Кручэнка і Іна Спасібіна.

Іх  грамадзянская – пра наша жыццё
–  лірыка, прысвечаная малой і вялікай Радзіме, роднай зямлі, 80-годдзю вызвалення Беларусі ад нямецка-фашысцкіх захопнікаў, знаходзіла шчыры водгук у сэрцах як радавых пагранічнікаў, так і афіцэраў.

Размовы пра захаванне міру на зямлі і стваральную працу, пра няпростую службу  на мяжы, дзе сёння неспакойна, працягваліся і пасля творчых сустрэч. А ў падарунак пагранічнікам пісьменніцы дарылі свае кнігі…

Творчаму супрацоўніцтву Гомельскага абласнога аддзялення СПБ з Гомельскай пагранічнай групай ужо некалькі гадоў, і яно пашыраецца. У бліжэйшыя месяцы творцы па запрашэнні камандавання наведаюць і іншыя заставы.

Прэс-служба ГАА ГА “СПБ”