12 снежня ў 12.00 ў арт-кафэ Гомельскай абласной універсальнай бібліятэкі імя У.І.Леніна адбудзецца дзясяты, апошні ў 2023 годзе, абласны творчы семінар прозы і драматургіі.

На семінар запрашаюцца прафесійныя літаратары – члены Саюза пісьменнікаў Беларусі, Саюза пісьменнікаў Саюзнай дзяржавы, Міжнароднага саюза пісьменнікаў і майстроў мастацтваў, члены аматарскіх літаратурных аб’яднанняў Гомельскай вобласці, аўтары-пачаткоўцы, работнікі бібліятэк г. Гомеля і  ўсе жадаючыя чытачы. Перад правядзеннем семінара адбываецца абавязковая рэгістрацыя ўдзельнікаў.

Павестка дня:

12.00 -12.30 – удзел у адкрыцці выставы «Дакраніся душой да спадчыны».

12.35-14.35 – асноўная праца семінара.

1. Падвядзенне вынікаў працы Гомельскага абласнога аддзялення ГА “Саюз пісьменнікаў Беларусі” праз дзейнасць Абласнога літаратурнага аб’яднання “Слова”, Школу мужнасці і патрыятызму па папулярызацыі якаснай сучаснай кнігі і чытання сярод чытачоў рэгіёна.

Дакладчык – Уладзімір Гаўрыловіч, Старшыня Гомельскага абласнога аддзялення ГА “Саюз пісьменнікаў Беларусі” – кіраўнік Абласнога літаратурная аб’яднання “Слова”.

2. “Час жыць і Час выбіраць” – аналіз мастацкіх знаходак у новай кнізе прозы “Подарки к празднику” .- Гомель, “Барк”, 2023) вядомага беларускага пісьменніка Міхася Слівы.

 Дакладчык – кіраўнік семінара прозы і драматургіі, член Саюза пісьменнікаў Беларусі Алег Ананнеў.

3. Аналіз аднаго твора. Апавяданне “Груша”. Вольга Гусявіцына (Крачкова), г. Гомель.

Дакладчык – намеснік кіраўніка Абласнога літаратурнага аб’яднання “Слова” Наталля Шэметкова.

4. Прэзентацыйны калейдаскоп.

1. Пайсці, каб вярнуцца. Абласны альманах “Літаратурная Гомельшчына”, 2023 год. Згадваем пісьменнікаў Гомельшчыны, якія сышлі з жыццёвай дарогі.

2. Жыццядайнае. Животворящее. Животворне. Міжнародны альманах «Літара”, 2023 год: дасягненні, задачы і перспектывы.

Члены савета абласнога семінара прозы.

5.”Голас напоўніцу”. Адкрыты мікрафон.

Выступленні членаў СПБ, АЛА “Слова”, прысутных па выніках працы абласных семінараў, чытанне аўтарскіх твораў, пераднавагоднія пажаданні.Ч

Савет Гомельскага абласнога аддзялення ГА “Саюз пісьменнікаў Беларусі”.

Савет семінара прозы і драматургіі.